जिन्दगीसङ्ग सिँगौरी खेल्ने जोस "सबिता लामिछाने" - T99post

[ गजल ]

तिर्खा लाग्दा बाटोको छेवैमा कुवा देखेपछी
पिउ कि नपिउ भयो पानी बटुवा देखेपछि !

खै के देखि पग्लने गर्छन आजकल मान्छेहरु
म पग्लने गर्छु पुरानो कमेज र बुवा देखेपछि !

जिन्दगीसङ्ग सिँगौरी खेल्ने जोस बल्ल आउछ
हर्के दाइले बोक्ने गरेको हलो र जुवा देखेपछी !

खै यसलाई म भ्रम भनु या कमजोर मनोविज्ञान
कापी किताबले पनि झस्काउछ बिदुवा देखेपछी !

उसो त उस्ले दिएको सर्प्राइज न थियो मलाई
आमाले दिएको आटो सम्झिए हलुवा देखेपछी !

सबिता लामिछाने ,गोरखा 
हाल कृतिपुर , 12 May 2018

कसरी बदलिएछ मोदिको लागि "शम्भु पुडासैनि" - T99post

[ गजल ]
राता रात बाटो कसरी बदलिएछ मोदिको लागि
धुलो मैलो माटो कसरी बदलिएछ मोदिको लागि?

बुझ्न गार्‍हो रास्ट्रबादी नेताहरुको  पारा यस्तो छ
नाकाबन्दिको खाटो कसरि  बदलिएछ मोदिको लागि ?

जयजकार र  देवत्वकण उसैको मात्र  हुदैछ यहाँ
जनआक्रोशको पाटो कसरी बदलिएछ मोदिको लागि ?

दिन दिनै सिमाना मिचेको मिचै छ जानाजान बैरिले
सहिदको रगतको टाटो कसरी बदलिएछ मोदिको लागि ?

न देशले केही पाउछ न नेपाली सोझा जनताहरुले
रास्ट्रलाई हुने घाटो कसरि बदलिएछ मोदिको लागि ??

शम्भु पुडासैनी  11 May , 2018 
द . कोरिया 

हुन दिन्न अत्यचार तिम्रो मायामा " सरु आचार्य " - T99post

[ गजल ]
पाएको छु मैले संसार तिम्रो मायामा
चाहिएन सुनको हार तिम्रो मायामा

हजार पीडा एक्लै बरु सहन्छु यार
हुन दिन्न अत्यचार तिम्रो मायामा

बोली अमृतसरि कहींकतै नबिझाउने
प्रत्येक शब्द बफादार तिम्रो मायामा

तिमीसंग निर्धक्क भई जिवन जिउने
भेटेको छु थुप्रै आधार तिम्रो मायामा

डर लाग्छ कतै तिम्रो मन दुख्यो भने
हुने छे  "सरु" गुनेगार तिम्रो मायामा

       
                    सरु आचार्य (दुलाल) - झापा 

ओइलिएको गुलाब सरि भुइमा झर्न सकिन "संगीता पौडेल " - T99post

[ गजल ]

स्वार्थी  दुनियाँमा कसैको  भर  पर्न  सकिन,
छुट्नु बाध्यता भयो,अन्त कतै सर्न सकिन !!

सधै  बिझाएपछी, मन मुटु बिछ्याउदा पनि,
त्यो कठोर पापि  मनको झोली भर्न सकिन!!

कर्तव्य माझ विबस भए बाच्न, लुकाएर पिडा,
ओइलिएको गुलाब सरि भुइमा झर्न सकिन!!

संघर्षमा हार नखादा दुनियाँ लाई डाहा भयो,
तर बैगुनी घातकको लागि  केही गर्न सकिन!!

आफ्नै को हेलना देखेर पराइले फाइदा उठाए,
शकुनी,कैकेयी झैं आफ्नाको खुशी हर्न सकिन!!

वायुमण्डल सहारा हिम्मतले पार गरे सातसमुन्द्र,
तर लक्ष्मण रेखा पार गरेर सेती नदि तर्न सकिन!!

प्रत्येक पाइला पाइलामा ठक्कर लाग्दा ढुंगाको,
चोटै चोट्ले जिउदो लास भइ संगीता मर्न सकिन!!

           संगीता पौडेल  , कास्की 
            हाल: साइप्रस 
  6may/2018/3:47pmcy

लघुकथा : प्रतीक्षा "अदिती अर्याल ज्ञवाली" - T99post

"शुभप्रभात!"
"उठ्यौ? के छ कालू तिम्रो खबर?" बिहान उठ्ने बित्तिकै सफलको म्यासेज आइरहेको हुन्थ्यो। "शुभप्रभात हजुर, म त भर्खरै उठेँ।" म प्रतिउत्तर पठाउँछु। "बुहारी मान्छे, यति ढिलोसम्म सुत्छन् त? समयमा उठ, फ्रेस होउ, तिम्रो शरीरलाई स्वस्थ राख।" सफलको अनुरोध भनुँ वा दबाब आउँछ। "केको बुहारी मान्छे नि, म पनि कसैकी छोरी हुँ, बुहारी मान्छे ढिलोसम्म सुत्नु हुँदैन भनेर कसले भनेको नि हजुरलाई?" अलि जिद्दीपन देखाएर, घुर्क्याउँदै म जवाफ फर्काउँछु। "हेरन रिसाएकी, मैले त तिम्रो राम्रोको लागि भनेको नि लाटी, रिसाउनु पर्छ त? भयो छोड यी सबै कुरा।" सफलको जवाफ आउँछ। "हवस" छोटो जवाफ दिएँ मैले।

आफ्नै मृत्यु पर्खेर बस्नु चोकमा साथी कुरेको जस्तो पक्कै हुदैन "गणेश आचार्य" - T99post

सबैको आयु थप्दा थप्दै
आफ्नै आयु रित्तिएको
सायद हजुरलाई पत्तै भएन
प्रिय मान्छे र सोझो रुख
छिट्टै काटिन्छ भन्थे, हो रहेछ
सबैलाई बचाउन सक्ने तपाई
आफैलाई बचाउन नसक्दा खेरी
Medical विज्ञानले नै हारेको हो की
जस्तो आभाष हुने रहेछ ।

आफ्नै मृत्यु पर्खेर बस्नु
चोकमा साथी कुरेको जस्तो पक्कै हुदैन
Expired Date लेखिएको अौषधी जस्तै
तपाइको Expired Date तोकिएको खबरले
हाम्रो पनि मन मुटु झसङ्ग हुन्छ
हजुरलाई झन कस्तो महसुश भयो होला ।
हजुरलाई देख्ने बित्तिकै , आधा रोग
सन्चो भएको अनुभुति गर्नेहरुको
हृदय झन कति छिया-छिया भए होला ।

मलाई अचेल यस्तै लाग्न थालेको छ
यो लोक भन्दा पर अर्को कुनै लोक हुनसक्छ
त्यहाँ पनि शोक, भोक र रोग हुनसक्छ
सायद त्यहाँ हजुरको अभाव खड्कियो होला
त्यसैले त भगवान यति छिट्टै लिन आउदैछन्
त्यो पनि पूर्व जानाकारी सहित ।

डा. साब आत्मबल कमजोर नबनाउनु होला
हजुरलाई लिन आउने भगवान पनि
अजम्बरी हुदैनन् भन्ने सुनेको छु
चमत्कारको आशा अझै मरेको छैन
हिमालको देशमा संजीवनीको कमि हुने छैन
आशिर्वादहरुको खडेरी हुने छैन
त्यस माथि तपाई आफै डाक्टर
रोगसँग हारे भन्ने अधिकार पनि त छैन ।

हृदयमा आशाको दियो बलिरहने छ
डा. उपेन्द्र देवकोटा सर हजुरलाई स्वास्थ्य लाभको कामना छ ।

हजुरले बचाएको एउटा प्राण,
- गणेश आचार्य - इटली 
7 May 2018 

उनी र रम उस्तै उस्तै लाग्यो "सुदामा कृष्ण "- T99post

[ स्वतन्त्र गजल ]

तिमी र यो मौसम उस्तै उस्तै लाग्यो
बदलिरहने हरदम उस्तै उस्तै लाग्यो

कसले भन्यो पिरती नशा होइन भनेर
मलाई त उनी र रम उस्तै उस्तै लाग्यो

हँसाउने पनि उनै---रुवाउने  पनि उनै
कभी खुसी कभी गम उस्तै उस्तै लाग्यो

यति धेरै लेखिएछ बहाना वा चाहनामा
तिम्रो याद र कलम -उस्तै उस्तै लाग्यो

थाहै नभई निको भो कति धेरै पीडाहरु
तिम्रो स्पर्श र मल्हम -उस्तै उस्तै लाग्यो

~ सुदामा कृष्ण ~

" दियालो साहित्य सरगम "को औपचारिक घोषणा सम्पन्न

CBA Bashyal ! १९ बैशाख , काठमाडौ ! साहित्य,कला र संगीतको विकास र प्रवर्धनमा विशेष जोड दिने उद्देश्यका साथ स्थापना भएको `दियालो साहित्य सरगम´ को अौपचारिक घोषणा तथा विशेष रचना वाचन कार्यक्रम अाज राजधानी स्थित लेखनकुञ्जमा अति भव्य र सभ्य कार्यक्रमका बीच सम्पन्न भएको छ ।